اريسطو
اريسطو (384 ق ع ح – 322 ق ع ح) كان فيلسوف يوناني قديم إتعلّم على ايد افلاطون و كان الاستاذ بتاع الاسكندر الاكبر.اريسطو كتب عن حاجات كتيرة زي الفيزيا و و الميتافيزيا و الشعر والمسرح و الموسيقا و المنطق و السياسة و الحكومة و الاخلاق و البيولوجيا و الزوولوجيا(علم الحيوان). اريسطو زيه زي سوقراط و افلاطون بيعتبر واحد من مؤسسين الفلسفة الغربية.اراءه في الفيزيا اثرت تاثير كبير على العلم في العصور الوسطانية و تنتها مستمرة لحد عصور النهضة لما بدأت تفقد مكانتها لصالح الفيزيا الحديثة.بالنسبة للبيولوجيا، فكتير من الملاحظات اللي سجلها اتثبت صحنها و دقتها في القرن التسعتاشر.اعماله كمان بتعتبر اول دراسة رسمية في علم المنطق. كل مظاهر فلسفة اريسطو لسة بتتدرس لحد دلوقتي في جامعات العالم كله. اريسطو كتب كتب كتير باسلوب راقي( وصفها شيشرون الشاعر الروماني بانها زي نهر من الدهب)، بس اغلب كتبه بيعتقد العلما انها ضاعت و ماوصلناش منها غير التلت يادوب و ضاع التلتين